سلطة التوم

سلطة التوم اللي بتتقدم مع المشويات في محلات الفرايد تشيكين زي البيك وكنتاكي وهما بيدونا حبة قد اللسعه بالشيء الفلاني انما احنا دلوقتي هانعمل منها ماجور (دناوة بقى ) وهي بسيطة جدا وهي عبارة عن بطاطس مسلوقة وتنضرب فالخلاط مع التوم والزيت والملح

المقادير :

1- ربع كيلو بطاطس ونقشرها ونسلقها في ميه على القد ولا ترمي الميه بتاعة السلق علشان هانحتاجها .

2- راسين توم مقشرين

3- نصف كوب زيت او حسب الرغبة

4- ملح او ملح ليمون حسب الرغبة

الطريقة :

بعد ما نسلق البطاطس وتبرد نحطها في الخلاط ونحط معاه شوية ميه من بتاعة السلق صغيرين ونضربها ونحط معاها التوم والملح طبعا ونبدا نحط الزيت والمية على حسب الرغبة في القوام بتاعها ... وبالهنا والشفا وادعو لي بالشفا هههههه